年青人初踏社會搵工做，有人心高又氣傲，有人徬徨無路訴，但查實好多人連最基本嘅心態都未準備好。如果”盲中中”，以為好輕鬆，求其搵份工，最後都只會撲個空。雖然依家搵工係易咗，但係你未諗清楚，一樣會「食白果」！

踫到釘唔駛驚，「青見」教你學精！

首先，心態方面要調校好。搵工心態最忌操之過急、心浮氣躁，亦切忌毫無目標、隨波逐流。你係咪以下兩類人嘅其中之一呢？

無論係狂熱定冷漠，各走極端都係唔多好。心態積極、志向清晰，才是搵工嘅第一步。

有好嘅起步其實仲未夠，好多時喺你實實在在咁去搵工、見工嘅時候，先會發現自己力不從心。如果你搞唔清自己點解無工見 / 無人請，不妨問問自己以下嘅問題。

自己係咪適合工作？

學業成績唔好，投身社會工作並唔係唯一嘅出路。坊間尚有許多職業專科嘅進修機會。點解唔考慮裝備好自己先？

自己適合做邊一行？

很多年青人唔清楚自己嘅職業志向，無目標咁胡亂搵工。又或者自己嘅能力，例如學歷、語言或體能，根本未符合工作嘅要求，以致能力與工作要求錯配。

我係咪依賴性太強？ 

很多人自小受父母萬般寵愛，欠缺個人獨立能力，就連搵工、寫履歷都唔主動去學去做，一切都要靠父母或社工幫手，正所謂「皇帝唔急太監急」，冇人催促就唔郁。

我係咪俾自己太多藉口？

你有無試過：明明睇中一份工，但因為覺得工作地區太遠 / 工作要求太高 / 工作時間太長，而最終放棄了？
需知道成功非僥倖，全力以赴，才有合理回報。正所謂“No pain, no gain”，若然自視過高，又或者太容易放棄，唔肯付出，面試失敗幾次後，便自怨自艾，唔再搵工，哪會有成功嘅一日？
正所謂「萬丈高樓從地起」，其實乜都係假，首先要有第一份工，攞到工作經驗，日後搵工先至有議價嘅能力，好嘅開始就係成功嘅一半嘛！

我嘅履歷表呢？

好多初次搵工嘅人唔知道自己嘅履歷表上應該寫乜，甚至唔知道原來搵工要寫履歷表。試問如果老闆對你一無所知，又憑什麼叫你去面試？就算有履歷表，但係裡面雜亂無章，老闆對你嘅印象分都會大打折扣啦！

呢份乜野工？份工有乜要求？

求職終於有回音了！有啲人以為帶個人加枝筆就可以去interview，事前卻沒有充足嘅裝備。例如去見旅遊業嘅工，不去了解本港旅遊業嘅現況；又例如事先知道見工時要進行打字測試，但事前不練習一下。

點解要面試？面試要做啲乜野？

如果本身無乜面試經驗，亦切忌犯以下毛病：

1. 面試時舉止無禮貌，或“十問九唔應”
2. 履歷表與證件唔齊全。
3. 衣著唔恰當。例如見文職工作時，衫褲唔整齊或太誇張、髮型太時髦或七彩繽紛。
4. 面試時逃避唔識答或唔想答嘅問題。面試時舉止無禮貌，或“十問九唔應”履歷表與證件唔齊全。
5. 衣著唔恰當。例如見文職工作時，衫褲唔整齊或太誇張、髮型太時髦或七彩繽紛。
6. 面試時逃避唔識答或唔想答嘅問題。

最忌係因為怕醜怕瘀，索性連面試都唔去。其實咁做非常愚蠢，因為面試就算唔成功，過程都可以學到好多嘢。白白浪費咗個學習嘅機會，你話幾唔抵。
假若想提升自己嘅面試技巧，可以參加培訓機構舉辦嘅就業工作坊，又或者盡量把握每次面試嘅機會。一步步提升信心，公司對你的印象自然加分。

(「面試占卜師」小遊戲須使用Shockwave Player 才能開啟。只提供中文繁體版。）

面試完咯喎，成績點？

唔好以為過咗海就係神仙。面試後，如果間公司肯請你，就證明你有真本事。但如果佢哋唔請你，都唔好怪個老闆，可能係自己未達到佢哋嘅要求呢。
面試後，無論人哋請唔請你，都請檢討一下自己面試時候嘅表現。例如比人問到一啲唔識答嘅問題，事後便要將勤補拙，主動去搵返個正確答案。等到下次有機會面試又撞著同樣嘅問題時，都唔駛比人問到”口啞啞”嘛！